ОНАЖОНИМ, ЖАННАТИМ, ОТАЖОНИМ ДАВЛАТИМ

Дилда шиддат, кўзда чўғ,
Бошимда ғам, савдо йўқ,
Чунки сиз бор кўнглим тўқ,
Онажоним жаннатим,
Отажоним давлатим.
Бойлигимсиз, қувончимсиз,
Дуогўйим, ишончимчсиз,
Гар йиқилсам, суянчимсиз,
Онажоним жаннатим,
Отажоним давлатим.
Сиз борсиз, ғам бегона,
Гўзаллар ҳам парвона,
Ғанимларим вайрона,
Онажоним жаннатим,
Отажоним давлатим.
Менинг борим, нолам, дейсиз,
Юрагимдан жолам, дейсиз,
Кел полвоним, болам, дейсиз,
Онажоним жаннатим,
Отажоним давлатим.
Бош бўлинг сиз, аҳдимизга,
Оиламизга, тахтимизга,
Омон бўлинг бахтимизга,
Онажоним жаннатим,
Отажоним давлатим.
Асрар дуо ўнг, сўлларимда,
Узоқ сафар, йўлларимда,
Сизни асрай қўлларимда,
Онажоним жаннатим,
Отажоним давлатим.
ФАРҲОД ҲАКИМ