Йигит бўлсанг-сўзинг ерда қолмасин,

Йигит бўлсанг-ошинг биров олмасин,
Йигит бўлсанг-тоғни талқон қилиб кўр,
Йигит бўлсанг-балоларга қарши тур.
Йигит бўлсанг-ема бировнинг ҳаққин,
Йигит бўлсанг-кўпдан насиҳат ўққин.
Йигит бўлсанг-ўз кучинга ишонгин,
Йигит бўлсанг-ғолиб чиқ ва қувонгин.
Йигит бўлсанг-қасам ичма, ҳеч қачон,
Йигит бўлсанг-маҳкам тут қўлда имон.
Йигит бўлсанг-ёр танлашда адашма,
Йигит бўлсанг-етти ўлча, ҳеч шошма.
Йигит бўлсанг-онажонинг рози қил,
Йигит бўлсанг-отангни подшоҳ деб бил.
Йигит бўлсанг-аралашма ғийбатга,
Йигит бўлсанг-қолиб кетма туҳматга.
Йигит бўлсанг-ҳалол топгин нонингни,
Йигит бўлсанг-Ватанга бер жонингни.
Йигит бўлсанг-куч-қувватда тенгсиз бўл,
Йигит бўлсанг-чавандозу енгсиз бўл.
Йигит бўлсанг-оила қургин ота бўл,
Йигит бўлсанг-топиб олгин тўғри йўл.
Йигит бўлсанг-сақла номус, орингни,
Йигит бўлсанг-йиғлатма ўз зорингни.