У ЧАКАННІ ВЯЛІКАДНЯ

У Гродне традыцыйна перад велікоднымі святамі праводзіцца рэгіянальная свята-кірмаш вырабаў рамесленікаў «Гродзенскія традыцыі да свята Вялікадня», якое накіравана на захаванне і папулярызацыю народных традыцый, звязаных з гэтым святам.
Свята –кірмаш праходзіць ў гістарычным цэнтры Гродна – на прыгожай вуліцы Савецкай, якая з самага рання ярка прыбіраецца ў стракатыя прыемныя святочныя фарбы. Тут шмат прыгожых фотазон, дзе можна зрабіць здымкі на памяць.
Але найпершую цікавасць выклікаюць вырабы народных майстроў. Велікодныя паштоўкі і пісанкі, вербы, саламяныя і лазовыя кошыкі, сурвэткі са святочнай сімволікай, смачныя пернікі – гэта усё хараство цешыць і вока, і душу. І не толькі можна палюбавацца на шматлікіх выставах ад усіх Аддзелаў традыцыйных рамёстваў Гродзеншчыны, але можна навучыцца рабіць той ці іншы выраб сваімі рукамі на цікавых майстар-классах. Альбо проста набыць сувенірную прадукцыю на памяць ці на падарункі.
Дарэчы, задоўга да свята майстры Гродзеншчыны прадставілі свае вырабы па розных накірунках на конкурсы. І вось – такія прыгожыя моманты свята , як узнагароды і прызнанне гледачоў .
Сардэчна віншую сваіх калег – работнікаў Свіслацкага аддзела рамёстваў і традыцыйнай культуры – цэлы букет узнагарод ! І няхай яны будуць не апошнія. Плёну і натхнення , даражэнькія !.
Прагуляцца па вуліцы горада і адчуць прыгажосць святочных імгненняў можна на канале " Жыву дарогай " https://www.youtube.com/watch?v=8I-g7V0devQ&t=32s