Чиксез шатмын синең белән кавышуга

Син булганга рәхмәт укыйм язмышыма,
Күңелдәге бөтен булган назым сиңа
Булсаң иде ямь өстәүче тормышыма!
Очкан чагым хыялларым канатында
Җанкисәгем, синең серле тарафыңа,
Сөю тоям шат елмайган карашыңда
Язсын иде сине генә яратырга!
Мәхәбәттә, юк, күренми тиңнәр сиңа
Сөеп яшәп ямьнәр өстик дөньясына,
Гыйшкым көчле - юктыр карап туясым ла
Сиңа иркәм - күңелемнең кояшына!
Бергә атлыйк. Синең кулың минем кулда
Ташлашмыйкчы, ни көтсә дә барыр юлда,
Бер - беребезнең кадерләрен белеп яшик
Гомеркәйләр әверелсен матур җырга!
Җылы сибеп яныйк сөю учагында
Назлап туймам, алсам сине кочагыма,
Ахыргача бары сине яратырмын
Мәхәббәткә, иркәм, тугры булсаң гына... Фанавис Давлетбаев