Бир дақиқа шошманг,

Дўстим, Азизим,
Орзу-ҳавасларга етасиз ҳали.
Кўзингиз ёшларга тўлмасин сим-сим,
Сиз мени қидириб қолган маҳали!
Бир дақиқа шошманг,
Сиз қулоқ тутинг,
Бу ҳаёт - оқар сув, оқиб кетади,
Хатоларим борми -
Озгина кутинг,
Эртага шу хатом ёқиб кетади.
Бир дақида шошманг,
Қўлингиз беринг,
Қадрнинг тоғига бирга борайлик.
Бир марта яшаймиз,
Бир марта - билинг,
Ким мухтож ёрдамга -
Бирга берайлик!
Бир дақиқа шошманг,
Тўхтаб туринг сиз!
Олдингизда менинг айбларим бисёр!
Мен узр сўрайин чўкканимча тиз,
Қадрингиз билмадим мен сизни зинҳор!
Бир дақиқа шошманг,
Тўғри кўп нарса,
Сўраяпман сиздан,
Билиб турибман.
Сиз далда бўлинг-да,
Мен агар арзсам,
Соғинчим киприкка илиб турибман!
Бир дақиқа шошманг,
Фақат шу муҳлат,
Нигоҳлар меҳрга чинакам тўйсин.
Қолган лаҳзалар ҳам,
Кутганча навбат,
Шу оннинг кўксига бошини қўйсин!
Бир дақиқа шошманг,
Бирга кетайлик!
Анис.
30.06.2017 йил, 21:18.