Ака, сиздан камтарликни ўрганайлик биз,

Камсуқумлик, самимийлик сабоғин беринг!
Қалбимизда туширгансиз меҳр номли из,
Шу изларнинг ҳосилини сиз бугун теринг!
Ака, сизга суянганмиз, ишонганмиз, ҳеч,
Бу ишончлар ўлкасида соя кўрмадик!
Қидириб, қидириб ёнингиздай тинч,
Сабрингиздай мустаҳкам қоя кўрмадик!
Ака, сизнинг ҳар сўзингиз фоний дунёнинг
Ташвишидан қўрқмасликнинг дарсини ўтгай!
Кўнглингиз оқ, меҳрибонсиз, бағрингиз-чи кенг,
Мен укангиз тўфонига кўксини тутган!
Ака, сиздан камтарликни ўрганайлик биз...
Абдушукур Юнусов(Анис).