Маликам ўзингсан!

Қироличамсан!
Сени севмоқликдан юрак тин олмас!
Танимнинг бўлаги,
Битта парчамсан!
Сендан ўзгасини дилим тан олмас!
Кўзларинг кулгуси -
Кўзимнинг нури!
Юрагим уриши -
Сенинг борлигинг!
Мен учун қувончнинг,
Шодликнинг зўри:
Бағримда бўлганда бахтиёрлигинг!
Ишқ берсам ёмғирнинг томчисидан мўл!
Ҳаво заррасидан кўпроқ севсам ҳам!
Соғинчдан ясасам само қадар йўл -
Кам булар!
Сен берган муҳаббатдан кам!
Сен мени шунчаки севасан -
Тамом!
Энг оддий!
Ҳокисор!
Беминнат!
Беун!
Нигоҳим қадалса...
Бўлди!
Сен томон,
Шу учун жонингни берасан буткул!
Қироличамсан сен!
Маликам ўзинг!
Тангримнинг туҳфаси -
Олмоссан!
Олмос!
Мени руҳлантирар биргина сўзинг -
Сендан ўзгасини дилим тан олмас!
Абдушукур Юнусов (Анис)