Кумтөр казылып баштаганда эч кандай каршылык болгон эмес.

Жыйынтыгында Кумтөрдүн алтыны чет жактан келгендер менен бийлик башындагылардын ортосунда таланып-тонолуп жокко эсе болуп калды. Экологияга, мөңгүлөргө оорду толгус зыян келтирилди. Жоопко эч ким тартылган жок. Жерүйдүн иштешине каршы далилдүү себептерди айтып абдан эле каршы турдук. Таластын элинин көпчүлүгү каршылыгын билдирсе дагы болбой мына эми президентибиз баш болуп кийинки жылы иштейт деп жатышат. Жерүй иштей баштаганда Кумтөрдөгүдөй болуп, экологияга, мөңгүлөргө, айлана-чөйрөгө, малга эң негизгиси ошол өрөөндө жашаган адамдарга зыяны тийип калса ким жооп берет? Менин жеке пикиримде "Ошондой зыян эч качан келбейт, келсе мен керт башым менен жооп берем"- деген бир мамлекеттик атка минээр болуш керек. Ошонун бири Д.Зилалиев болуш керек деп ойлоймун. Дагы бир жолу айтышка туура келип жатат, Жерүйдүн 100 тоннага жакын алтыны жана башка баалуу табылгалар болгону 100 миллион долларга эле сатылды. Өндүрүлгөн байлыктан мынча проценти Кыргызстандыкы деп айта албайбыз. Кичине ойлонуп көргүлөчү туугандар, эмне себептен, ишке кире элете эле азыртадан элге Жерүйдүн акчасы деп кредит берилип жатат? Жрүйдөн пайда таппай эле бекер акча таратылып жатат, кайдан? Байкуш элим алданып жатканын билбей, кай бирлери билип туруп деле, кызматына, акчага сатылып жан талашып кредит алууда. Жүрүйдүн кенинин пайдасын эл, Кыргызстан көрбөсү анык болуп калды. Эми Кудайдан эч кандай зыяны жок болуп калса деп тилеймин.