Мукофот ва жазолар хакидаги хабарларга иймон келтириш

Салаф солих — “ахлуссунна вал-жамоа” эътикодининг асосларидан бири мукофот ва жазолар хакида келган хабарларга иймон келтиришдир.
“Ахлуссунна вал-жамоа” банданинг килган амалларига берилажак мукофот ва жазолар хакида келган хабарларни кандай келган бўлса шундай кабул килиб таъвилсиз тушунадилар хамда мукофот ва жазолар хакида келган хабарларни таъвил ва чекловларсиз ўз кучида колдирадилар. Аллох таоло деди: “Албатта, Аллох таъоло Ўзига (бирон нарсанинг) шерик килинишини кечирмайди. Шундан бошка гунохларни Ўзи хохлаган кишилар учун кечирур. Ким Аллохга (бирор кимса ёки нарсани) ширк келтирса, бас, у буюк гунохни тўкиб чикарибди” (Нисо: 48 ва 116).
Улар: ”Бандаларнинг окибати номаълум ва хеч ким ўз хотимасини билмайди”— деб эътикод киладилар.
Расулуллох соллаллоху алайхи ва саллам дедилар: “Бир киши одамлар назарида жаннат ахлининг амалини килади. Холбуки у жаханнам ахлидандир. Бир киши эса одамлар назарида жаханнам ахлининг амалини килади. Холбуки у жаннат ахлидандир”. (Имом Бухорий ва Имом Муслим ривоятлари).
“Сизлардан бирингиз жаннат ахлининг амалларини килади хатто у билан жаннат ўртасида бир газгина (масофа) колади. Бирок, Китоб (Лавхул-Махфуз)да ёзилгани голиб келиб у жаханнам ахлининг амалини килади-да, жаханнамга киради. Сизлардан бирингиз жаханнам ахлининг амалини килади хатто у билан жаханнам ўртасида бир газгина (масофа) колади. Бирок, Китобда ёзилгани голиб келиб у жаннат ахлининг амалини килади ва жаннатга киради” (Имом Бухорий ва Имом Муслим ривояти).
Бирок “Ахлуссунна вал-жамоа” зохиран Исломда ўлган (мўъмин ва такволи) кишиларни умумий равишда: “Иншааллох жаннат ахлларидан бўладилар” деб гувохлик берадилар. Аллох таоло деди: “Иймон келтириб, яхши амаллар килган зотларга хушхабар берингки, улар учун остларидан дарёлар окиб турувчи жаннатлар бор! ...” (Бакара: 25).
“Албатта, такводор зотлар жаннатларда ва дарёлар (усти)да, Кодир Подшох хузуридаги рози бўлинган ўринда бўлурлар.” (Камар: 54, 55).
Расулуллох соллаллоху алайхи ва саллам: “Кимки ўлаётганда Аллохдан ўзга хак маъбуд йўк эканини эътикод килиб вафот этса жаннатга киради”— дедилар (Имом Муслим ривояти).
“Ахлуссунна вал-жамоа”: “Кофирлар, мушриклар ва мунофиклар жаханнам ахлидирлар”— деб гувохлик берадилар. Аллох таоло деди: “Аммо ўзлари кофир бўлишиб, Бизнинг оятларимизни ёлгон деган кимсалар эса дўзах эгалари бўлиб, унда абадий колажаклар” (Бакара: 39).
“Албатта, ахли китобдан ва мушриклардан бўлган кофир кимсалар жаханнам ўтида бўлиб, ўша жойда мангу колурлар! Ана ўшалар энг ёмон махлукдирлар”. (Баййина: 6).
“Албатта, мунофиклар жаханнамнинг энг тубида (бўлур)лар” (Нисо: 145).
“Ахлуссунна вал-жамоа” расулуллох соллаллоху алайхи ва саллам жаннатга киришлари хакида башорат берган барча кишилар, шу жумладан, ўн кишининг жаннатга киришлари хакида гувохлик берадилар. Расулуллох соллаллоху алайхи ва саллам дедилар: “Абу Бакр жаннатда, Умар жаннатда, Усмон жаннатда, Алий жаннатда, Талха жаннатда, Зубайр жаннатда, Абдуррахмон ибн Авф жаннатда, Саъд ибн Аби Ваккос жаннатда, Саид ибн Зайд жаннатда ва Абу Убайда ибн Жаррох жаннатдадир” (Шайх Албоний: “Сахиху Сунани Аби Довуд”).
Бундан ташкари улар, Уккоша ибн Мехсан, Абдуллох ибн Салом, Ёсир оиласи, Билол ибн Рабох, Жаъфар ибн Аби Толиб, Амр ибн Собит, Зайд ибн Хориса, Абдуллох ибн Равоха, Фотима бинт расулуллох соллаллоху алайхи ва саллам, Хадижа бинт Хувайлид, Оиша, Софийя, Хафса, расулуллохнниг барча аёллари ва бошка кўплаб сахобаларнинг жаннатга киришларига гувохлик берадилар (юкорида номи ўтган сахобаларнинг барчаларидан Оллох рози бўлсин).
Ахлуссунна вал жамоа жаханнам ахлидан эканига хабар берилган Абу Лахаб ибн Абдулмутталиб, унинг хотини Умму Жамил Арво бинт Харб ва бошка хакларида шундай хабар келган кофирларнинг жаханнам ахлидан эканликларига гувохлик берадилар.
“Ахлуссунна вал-жамоа” расулуллох соллаллоху алайхи ва саллам хабар берган муайян шахслардан бошка бирон киши хакида жаннат ёки жаханнам ахлидан эканига катъий сўзни айтмайдилар([3]). (Балки, яхши амалларни килган киши учун яхшиликни умид киладилар ва ёмонлик килган кишилар учун жазодан кўркадилар).
“Ахлуссунна вал-жамоа”: “Килган амаллари хар канча гўзал бўлмасин, Аллох таоло ўз рахмати билан ўрамаса, жаннат хеч кимга насиб бўлмайди”— деб эътикод киладилар.
Аллох таоло деди: “Агар сизларга Аллохнинг фазлу мархамати бўлмаса эди, хеч качон сизлардан бирон киши (бирон гунохдан) пок бўлмас эди. Лекин Аллох (фазлу мархамати билан) Ўзи хохлаган кишини поклар. Аллох Эшитгувчи, Билгувчидир” (Нур: 21).
Расулуллох соллаллоху алайхи ва саллам: “Килган амали хеч бир кишини жаннатга олиб кира олмайди”— дедилар. Сахобалар: “Сизни хамми”— деб сўраганларида расулуллох соллаллоху алайхи ва саллам: “Аллох рахмати билан ўрамаса, мен хам”— деб жавоб бердилар (Имом Муслим ривояти).
“Ахлуссунна вал-жамоа” азобланиши баён килинган гунохларни килган кишиларга Аллохнинг азоби вожиб бўлади, демайдилар. Балки, гохо Аллох таоло бу гунохларни килган кишиларга кейинрок килган тоат-ибодатлари, тавбалари ёки каффорот бўлувчи мусибат ва хасталиклар сабабли кечириши мумкин. Аллох таоло деди: “(Эй Мухаммад соллаллоху алайхи ва саллам гунохкор бандаларимга) айтинг: “Эй, ўз жонларига жабр килган бандаларим, Аллохнинг рахматидан ноумид бўлмангиз! Албатта Аллох барча гунохларни Магфират килур. Албатта Унинг Ўзигина Магфиратли, Мехрибондир” (Зумар: 53).
Пайгамбаримиз соллаллоху алайхи васаллам дедилар: “Бир киши йўлда кета туриб йўлда ётган тиканли дарахт шохини четга олиб ташлади. Аллох унга шукр([4]) килди ва уни(нг гунохларини) кечирди” (Имом Бухорий ривояти).
“Ахлуссунна вал-жамоа”: “Хар бир махлукнинг ўз ажали бор ва Аллохнинг китобида ёзилган муддатда Аллохнинг изни билангина ўлади. Ажаллари етгач (ўлим) бирон лахза эрта ёки кеч колмайди. Ўлиши ёки ўлдирилиши унинг ёзиб кўйилган ажалининг нихоясидир”— деб эътикод киладилар. Аллох таоло деди: “Хар бир жон факат Аллохнинг изни билан, аник белгилаб-ёзиб кўйилган муддатда ўлади” (Оли Имрон: 145).
“Ахлуссунна вал-жамоа”: “Аллох таолонинг мўъминларни жаннат билан мукофотлаши, осий муваххидлар, кофир ва мунофикларни жаханнам билан жазолаши хак, Аллох таоло ўз ваъдасига хилоф килмайди”— деб эътикод киладилар. Аллох таоло деди: “Иймон келтириб, яхши амалларни килган зотларни эса остидан дарёлар окиб турадиган жаннатларга киритажакмиз — улар у ерда абадий яшарлар. Бу Аллохнинг хак ваъдасидир. Аллохдан кўра ростгўйрок ким бор?!” (Нисо: 122).
Аллох таоло осий муваххидларни ўз фазли ва карами билан афв этади. Холбуки, Аллох таоло муваххидларни афв этиш ва бошкаларни афв этмасликка ваъда берди: “Албатта, Аллох таъоло Ўзига (бирон нарсанинг) шерик килинишини кечирмайди. Шундан бошка гунохларни Ўзи хохлаган кишилар учун кечирур. Ким Аллохга (бирор кимса ёки нарсани) ширк келтирса, бас, у буюк гунохни тўкиб чикарибди” (Нисо: 48. 116).