«ИШОНИБ СЕВИНГ»

Эртага қошимда йиғламанг гулим ,
Сиз мени десангиз қувониб кулинг .
Мени алдамчи деб тирнаманг дилим,
Сиз мени севсангиз ишониб севинг.
***************************************
Йўлларим зор кутиб бедор ўтирманг,
Биз юрган бу йўллар шодон деб билинг.
Эй гулим ўзгалар гапига кирманг,
Сиз мени севсангиз ишониб севинг.
****************************************
Гилоснинг шохидек мўртдир юрагим,
Кўнглимни синдирган шамол деб билинг
Эртага йиғламанг куйдим деб гулим,
Сиз мени севсангиз ишониб севинг.
*****************************************
Майлига йиқилсам мени танламанг ,
Мени тушингизда Мажнундек кўринг.
Фақат бир ўтинчим мени қарғаманг,
Сиз мени севсангиз ишониб севинг.
*****************************************
Ким учун қадирли Раҳимий танхо,
Бир бор мени излаб ёнимга келинг.
Гарчандки шоирман эй кўзи шахло,
Сиз мени севсангиз умирбод севинг.
*******************************************
БАХТИЁР РАҲИМИЙ
*******************************************