СВО-ийсса саллат1нан хас бувсса ххару.

***********************
Ц1араву т1ут1ивгу,
ц1араву ч1унгу,
Ц1араву ч1алай дур
ккаклайсса мак1гу,
Бак1рая каларсун
талай инагу,
Оьнкьуврал къабащан
ц1урттигу, ссавгу.
Ва тагьар уссара
бух1лай , ц1ий бак1гу,
Ччурччуну най дуссар
аьзаврай дак1гу,
Аллагьнахь бува т1ий,
т1айламув, хъинмув,
Дуаьрдай уссара
зул ч1арав нагу.
**********""""""""********""""""""********
+++++++
Гьалмахчувгу хъинсса,
дувсгура ччисса,
Залгура ттул ччаврил
дак1нийву лявхъсса.
Дардирдан дарманна,
ччаврингу малх1ан,
Алжаннул х1авзгура
мякь лиххан байсса .
++++++++
Дувсну ччива оьрму
эшкьи - ччаврищал,
Бунагьрувгу ччива
буллай ттун вищал.
Лах1загу, гьанттагу,
ккурккисса шингу,
Най ччива, дувс, ччаву
к1идач1лай вищал.
+++++++++
Маччуччав, лажинни ,
язисса ччаву,
Дардирдан дарманни
аьрщарай ччаву.
Ц1урттари ссавруннайх
бигьайсса хъарур,
Щюлли яруй, марал,
вих хьусса ччаву.
++++++++
" Дах1алай" ва " хьурдай"
вил хъирив т1унна,
Амин барча, ххирай,
ччаврил лагъ хьунна.
Инт дик1ан аргъирай
ччурччу дак1нийву,
Чассагул мурччаву
ччаврил пиш хьунна.
++++++++++++
Х1адисхъал Х1адис.
24-08-2025.