20 сен

Инара ттул Залгу, Заннал Каламгу.

********""""""""*******""""""******
Чирахъ кунма ччучлай
оьрмувгу лавгун,
Шиннугу най зунттал
бак1авун дурккун,
Дак1нийсса дайлит1у
дуван къархьуну,
Аьрщарайгу ччаврил
ххуллурду ливч1ун.
Хьунавав ч1а кусса
ххуллурдайх ачин,
Ччиссагу бакъаний
тти арх1ал бачин,
Хьунавав ц1унил ц1у
гьалхха хияллу,
Ттуруллал бувгьуний
эшкьилул лачин.
Ци дурвав ччавриву
зунттурду битан,
Зумарду дакъасса
хьхьирирду лахъан,
Чанна ц1уртти бавт1ун
Аьссал ххуллурдай,
Ц1урттал щавшсса тахлий
аьзизмув битан ?!
Ччавринни дунъяллий
бивк1у бакъасса,
Алжангу ччаврилли
гьанурдай бавц1сса,
Жулва ххуллу- ххагу,
гьан ххуллурдувгу,
Аллагьналли хьхьич1ва
чивчуну бивк1сса.
Инара ччавугу,
ччаврил дармангу,
Аллагьнал дуллусса
байран кьинигу.
Инара ттул Залгу,
Заннал Каламгу,
Аьрщарай буллусса
Фирдавс- алжангу.
Х1адисхъал Х1адис.
20-09-2025 ш.

Комментарии

  • 20 сен 22:46
    Ина Алагьнал я анав Хадис мукунсса шамарду чичлан ц1улушиву дулунав вих1ун
  • 21 сен 10:29
    ️
  • 21 сен 11:20
    Агь ина ц1уллу ивуй, курт1сса мяъна дусса махъру. Асар хьунсса, мунияр бюхттулсса чичлан кьудрат булуннав
  • 21 сен 15:38
    ️️️️️
  • 22 сен 21:59
    d5b0b10913
  • 23 сен 13:27
    Абабайййй, Х!адис, жан ц!уллу дибуй, бак! чаннана лич!аннав ина, дак!нинбагу цукун багьай , нех кумма экьи нанисса, куннияр кув ялттусса махъру
  • 23 сен 13:37
    Минажат, ина Аллагьнал дак1 ххарину битаннав! Барчаллагь!
  • Комментарий удалён.
  • Комментарий удалён.
  • 24 сен 10:51
    Ас -саламу аьлайкум! Что спрашиваете?
  • 8 окт 08:30
    da099419db
  • 8 окт 08:43
    _Хlадис , зунттал чув ,дус вихьхьун дулуннав кьянкьасса цlуллу-сагъшиву,булуннав лахъисса оьрму ,тихунмайгу дулуннав кьудрат чичлан циняв жула жяматран ххирасса вила назмурду!🤝
  • 8 окт 11:15
    Харис, ттул дувс, на ххариссара ттулва назмурду буклайну т1ий, ч1явучийнгу ххуйгума бизлайну т1ий. Ц1уллу аннав, хъинсса лаккучув!🤝