На сняданне і абед на стале заўсёды хлеб.

Хлеб – святыня, хлеб – багацце,
Хлеб у хаце – шчасце ў хаце.
14 лістапада ў старэйшай групе №10 прайшло беларускае свята, прысвечанае хлебу – сімвалу жыцця і працы.
Хлеб! Якое кароценькае слова, але колькі сіл і працы патрэбна для таго, каб яго вырасціць. Нездарма кажуць: «Будзе хлеб – будзе і песня!»
Былі танцы і карагоды, гульні, жарты, пачастункі. У госці прыйшла Каза, не з пустымi рукамi, а з восеньскiмi дарамi. Не прамiнуў свята і Буслік – вясёлы клекатун. А з якім натхненнем дзеці спявалі разам з бацькамі.
Вось з такім добрым настроем завершыліся восеньскія забавы ў дзіцячым садку № 6.