Шүгүрчүлүк , шүгүр аман калдым!

Он беш күндөн бери кайрадан жүрөк тутулат, туталанат, алсыз, кээде нойют, пессимист ойлор , үшкүруктөр түндү ойготот, жаман ойду ысырыктатсам да кетпейт, дем салдырсам да женилдетпейт, аба кысат, тер чапчыйм, аппетит кыйшайды, дары чөбүм түгөндү, үмүт шаа байлап врачтарга барам, баратып эсимен танам, скорый акем келет, же жакшы адамдар апарат, ошентип ажал менен арбашам, кудайга жалбарам, ыкыбалым азайып , жашыруун дептеримди ачам, неберелеримден суранам өкүргүлө деп, алар ынабайт, Багдаш үн-сөз катпай короо-бакты эле тазалайт, айылчылабайт, атала менен буудай катыкка салып койду, Элчим-кенчимди алдыртып алдым, кечке тилек айтам, сезет, акыл мээрине сүйүнөм, оюнчук, бойёмо дептер апкелем... эрте менен баса албай калдым, көмөкөйүмдөн сүйлөп калдым, кардиобригада келгиче дары ичтим, алар келишти, мени ыйлаткан боюнча салып кетишти, неберемдин "бассейинге качан апарасын" дегени кулагыма угулду, Чүй көчөдө "скорыйда" эчкирип бараттым. Реанимацияда эки күн жаттым, врач, медсестра , санитарка деген ушиерде экен, асма уколь деген ушиерде экен. Оной менен өлүмгө салып бербес экен. Азыр острый инфаркт миокарда бөлүмгө которушту. Үч күндөн бери кардиоинституттун дарактарында түнөгөн парандилерге төртүнчү кабатындагы терезелерден нан ,аш, кесме , данек берем, көбүнчөсү таранчылар, сообобу бизге жүрөк эркелерине тийсин дейм. Дагы оорусун айтып арызданды деп фейсбуктан мага наалыгандарга айтаарым мен элдин мага шыпаа тилектери жаратканымдын дилине жетип эсен калып атсам керек деп ишенем. Корранаграфия, шунтир, ЮРФА же кытай медицинасына каражатым жок, чөнтөгүмдөгү болгон эки жүз сомум жүрөгүмдү дагы эки жылга жылытса керек деп кыялданам. Жашасын ЖҮРӨК!