100 комментарийге кошулуп 100 эсе ак тилектер келди....

Мен ооруганда приступ кармаганда, демиккенде, муун зырылдатканда, сөөк какшатканда, тамыр тырышканда, жүрөк өксүгөндө, көңүл чөктү депрессияда, бөйрөк тырышканда, тер чарчыганда, ооз кургап, көз караңгылашканда, шишигенде , калтырап-титирегенде сиздердин ак тилектер мага кадимкидей шыпаа болот. Көздү бекем жумганча дароо ар бириңиздердин ак батаңыздардын касиетин сезем.Шыпаа табылаар тилектер. Мен үчүн табылгыс байлык,кенч,дем, жөлөк экенин сезет бекенсиздер...Үч күн болду, эсеби сексенге жакын карыялардын ак батасын алдым. Орус,корей,казах жана кыргыздар ... Тыйынчычкандар, парандилер да мага тилек айткандай сүйүнүп отурам... Жүрөк төрт секунд токтоп кайра иштеп кеткен учурда.... бир кылымга тете аян, түш алып үлгүрөт экенсиң.... Кан кара кочкулуна айланып, кан тамыр качып ийне албай калгандан, кеми он, он төрт саатта тамчылап бүткөн капельницаны алып бүткүчө бүтүндөй өмүрүң өтүп кеткендей үшкүрөсүң.... Кан басым ордуна келгенче, диабетиң оосарланбай, үшкүрүгүң булутка айланбай, көз жашың селдей акпаса ошол бакыт... эл менен коштошуп да, неберелеримди өөп алайын деп далай өзүмдү даярлаган жерден сиздерден кагылайын досторум.... касиеттүү тилектер келе баштайт... Мен өзүмдү текшерип атам... аңдып күмөнсүп атам.Өзүмөн өзүм шекшип атам.... Чыйралуум,ниетти түздөөм керек экен. Үч күндөн бери узак аралыкка каттап, акырындан жарым жартылай жанды адаштырып , оо илгерки жөө күлүк Сүйүнбайдын изине түшкүм келип жүрөгүмө үмүт шаа байлап... Мен эми оорубайм, оомат таптым!!!