Հազարները ձեռք են մեկնում,

Որ ձեռքս բռնեն,
Հազարի մեջ քեզ եմ փնտրում,
Որ ձեռքդ բռնեմ։
Հազար աչքեր ինձ են նայում,
Որ ինձ սեր բերեն,
Հազարի մեջ քո աչքերում,
Կուզեմ սեր գտնեմ։
Հազար սրտեր ինձ են կանչում
Իրենց մեջ ապրեմ,
Հազարի մեջ քեզ եմ ուզում
Սրտիս մեջ պահեմ։
Հազարների մեջ հազարից
Մեկին ընտրեցիր,
Ինձ էլ, որպես մխիթարանք
Կենաց բախշեցիր։
Թող կենացս հազար լինի,
Կամ հազարից մեկ,
Միայն թե քո կյանքում լինի
Անտառապանք սեր։