Весела і гучна звінела сёння брэндавае свята "На кірмаш у Пагародна"!

Прыгожыя песні і смачныя стравы стварылі цудоўны настрой усім прысутным. Дзеці весела бавілі час на батутах, частаваліся салодкай ватай і попкорнам. Не засталіся без увагі і працаўнікі сяла, людзі, якія працуюць у КСУП "Э/Б Пагародна ". За працу і адданасць справе ім уручылі падарункі ад прафсаюзнай арганізацыі калгасу. А яшчэ, сярод насельніцтва, прайшоў конкурс на самую вялікую гародніну і ўсе ўдзельнікі таксама атрымалі падарункі. Завяршылася свята выступленнем народнага ансамбля народнай песні "Юрацішкаўскі кірмаш".