У Кіеве прайшоў Марш памяці Героя Беларусі Вітольда Ашурка.

Адбылася імша, удзельнікі прайшлі па цэнтру горада маршам з воклічамі "Жыве Беларусь!" і "Героі не паміраюць!"
Выніковы пункт — народны помнік Міхаілу Жызнеўскаму. Падчас мітынгу зачыталі звароты брата Вітольда Андрэя, сяброў, сябра Рады Руху "За Свабоду" Вольгі Быкоўскай. Выступілі таксама арганізатары імпрэзы. Прагучала "Пагоня" Максіма Багдановіча і "Магутны Божа" Наталлі Арсенневай.
Нагадаем, што палітвязень, абласны каардынатар Руху "За Свабоду" Вітольд Ашурак загінуў у калоніі месяц таму. Прычыны смерці да гэтага часу не называюцца ўладамі.
Дзякуй за відэа і фота Арцёму Ляве, Новаму Часу і Белсату.