To'lepbergen Matmuratov.

Asqinba sen,
Basqalardi bassinba.
Erik berme ta'kabbirliq tasqinga
Talaylarga tas zin'gitip ga'rdiyme
Bir ku'ni jatarsan tastin astinda.
Bu'gin tiri ju'rgenin'e maqtanba,
Quwanba birewdin' ku'ni batqang'a.
Bolsan'da hiyleker ushina shiqqan
Seni de tu'sirer a'jel qaqpang'a.
Dostim du'nya joq dep bolma jilayman.
Ayrilarmiz du'nyadan zor shiraydan
Olgenson' artin'da qaladi bari
Altin taxtin taslap ketken Sulayman.
Shadliq qayimlassa esik ashpag'a
Qayg'i izlep keter basqa baspana
Baxit ta kelmeli ketpeli narse
Ol dag'i awisip barar basqaga.
Shadliqqa shaljan'lap ketpegil sende
G'am shekpe baxtiyar bolarsan' demde
Eger bul du'nyada o'mirin' bolsa
Biynesip qalmassan' ekewinen de..
#МәтмуратовТ