“Культурная сенсацыя”, “terra incognita беларускага мастацтва”, “адлюстраванне эпохі” – такія вызначэнні гучалі на адрас роднасловаўскага праекта “У анталогію беларускага шаржу” падчас адкрыцця літаратурна-мастацкай экспазіцыі ў Дзяржаўным літаратурна-мемарыяльным музеі Якуба Коласа.

Публікацыі гэтага праекта леглі ў аснову выставы “Шаржы на класікаў” – нашага супольнага праекта з коласаўцамі, які ладзіцца пры падтрымцы Дзяржаўнага літаратурнага музея Янкі Купалы, Дзяржаўнага музея гісторыі беларускай літаратуры, Беларускага архіва-музея літаратуры і мастацтва і Беларускага саюза мастакоў.
Шчыра дзякуем усім партнёрам за сутворчасць і магчымасць пашырыць часопісныя абсягі!
Наведайцеся ва ўтульны Дом Якуба Коласа, каб зрабіць уласныя адкрыцці і паглядзець на класікаў іншымі вачыма!
#Мінск #пісьменнікі #прэзентацыя #мастацтва #Беларусь #шарж #РоднаеСлова #літаратура #часопіс #мова #культура #выстава #творцы #музей #мастак #беларускаялітаратура #беларускаямова #спадчына