Yaman darıxmışam

Həyatım sönübdür getdiyin gündən
Daha yaşamıram sanki ölüyəm
Bil, daha sənsiz dözə bilmirəm
Yaman darıxmışam səninçün gülüm
Sönüb üzümdəki təbəssüm artıq
Daha əvvəlki tək gülə bilmirəm
Yerdəyəm,ya göydə bilə bilmirəm
Yaman darıxmışam səninçün gülüm
Qəlbimdə dərindir yarası eşqin
Kölgəsi görünür gözümdə qəmin
Nəmli di gözlərim,yaşdı gözlərim
Yaman darıxmışam səninçün gülüm
Saçıma dən düşüb,qəddim bükülüb
Nə yaman ağırmış yükü bu eşqin
Bir ömür daşımaq,qismətim yəqin
Yaman darıxmışam səninçün gülüm
Qəlbimin müqəddəs bir yerindəsən
Bil ki mənə,məndən daha əzizsən
Yoxluğun ağırdır,həsrətin çətin
Yaman darıxmışam səninçün gülüm
Yoxdur bir təbib ki dada yetişsin
Axı tək səndin mənim təbibim
Bir tək özlədiyim, mənim həbibim
Yaman darıxmışam səninçün gülüm
Hər yerdə izini mən axtarıram
Keçdiyin yollarda hey dolaşıram
Tapdığım hər izdə varsan sanıram
Yaman darıxmışam səninçün gülüm
Ürəyim səninçün çırpınır yaman
İnanki köksümə sığmayır sənsiz
Bilki kimsəsizəm, tamam kimsəsiz
Yaman darıxmışam,səninçün gülüm
Yaman darıxmışam səninçün gülüm. ..
C.Hacıyev