Ֆրանսիացի հայտնի սուպերմոդել և դերասանուհի Լետիցիա Կաստան, որը հայտնի է դարձել «Գենսբուր.

Խուլիգանի սերը» ֆիլմում Բրիջիտ Բարդոյի դերակատարմամբ, չորրորդ երեխան է ունեցել: 42-ամյա Լետիցիան տղա է ունեցել:
Մոդելը երկար ժամանակ թաքցնում էր հղիությունը, բայց, ինչպես նշում են արևմտյան լրատվամիջոցները, արդեն փետրվարին սկսեցին այդ մասին քննարկումները, քանի որ այլևս հնարավոր չէր թաքցնել փոփոխված կազմվածքը:
Հայտնի է, որ երեխան ծնվել է մարտի 17-ին: Տղային անվանել են Ազել: Լետիցիան և նրա ամուսինը՝ դերասան Լուի Գարելը, այդ անունը պատահական չեն ընտրել: Նրանք նշել են, որ այն եբրայերեն նշանակում է «վեհանձն»:
Լետիցիա Կաստան ևս երեք երեխա ունի նախորդ հարաբերություններից. դուստրը՝ Սաթին Սեդնուին (ծնվ. 2001թ.-ի հոկտեմբերի 19-ին), որի հայրը ֆրանսիացի լուսանկարիչ Ստեֆանո Սեդնուին է, որդին՝ Օրլանդո Աքորսին (2006թ.-ի սեպտեմբերի 21) և դուստրը՝ Աթենա Աքորսին (2009թ.-ի օգոստոսի 29), որոնց հայրը իտալացի դերասան Ստեֆանո Աքորսին է:
#songtv #songtvarmenia #armenianmusic #songtv #songtvarmenia #armenianmusic #armeniansongs #songnews