Бугун пойтахтда Тошкент шаҳрига МДҲ Ёшлар пойтахти мақоми берилишига бағишланган тантанали маросим бўлиб ўтди, дея хабар берди МДҲ Ижроия қўмитаси матбуот хизмати.

Маросим муносабати билан МДҲ бош котиби Сергей Лебедев тадбир ташкилотчилари ва иштирокчиларига табрик йўллади.
Унда қайд этилишича, Ҳамдўстлик маконида маданий-гуманитар соҳадаги давлатлараро ҳамкорлик йилдан-йилга такомиллашиб, янги лойиҳа ва дастурлар пайдо бўлмоқда.