Һәр кешегә кәрәк ил, Ватан!

Был замандың яңы тарихы яҙыла. Эйе, ул ут менән дә, туп менән дә теркәй яҙмаларын, әммә Ватаныбыҙ, дәүләтселегебеҙ яҙмышы аяуһыҙ ҡурҡыныс алдында торғанда, ата-бабаларыбыҙҙың васыятына, ил һаҡлау бурысына тоғро ҡалып, ир-егеттәребеҙ ҡулына ҡорал алды. Бынан, Башҡортостандан, күп нәмәләр башҡаса күренеүе, тойолоуы ихтимал. Йылы өйҙәребеҙҙән тороп фекер йөрөтмәү яғындамын был осорҙоң ғына түгел, бәлки Кешелек үҙ юлында һис ҡасан да күргәне булмаған ҡот осҡос һуғыш хаҡында. Нимәһе менәндер был алыш “Урал батыр” эпосындағы Урал батырҙың тотош донъялағы ҡара көстәр менән көрәшен хәтерләтә. Сөнки илебеҙ, ысын мәғәнәһендә, донъяның ҡаралығы менән, Кешелекте емереүселәр, кеше затын юҡ итеүселәр менән алыша.