ПУШАЙМОН

61.
МУНОФИҚ.
Мунофиқ кимлигини биласизми?
Тили бошқа, дили бошқа инсон- мунофиқ. Олдингда меҳрибон дўст, ортингда беаёв душман одам -мунофиқ. Хиёнаткору, буни тан олмайдиган, тинмай сенга дўст эканлигини таъкидлаб, пеш қилиб турадиган яллақи бири-мунофиқ. Ёлғончи, товламачи, виждонсиз кимса-мунофиқ. Тирноқ остидан кир қидирувчи, тинмай оёғинг остини кавловчи паст бири- мунофиқ. Бетига фаришта ниқобини кийган иблис-мунофиқ... Хасадгўйлигини ҳавас ниқоби остига бекитувчи кас- мунофиқ.
Хуллас, дунёда неки иллат бўлса, барини ўзида мужассам этгану, ўзини энг яхши инсон санайдиган "авлиё"-мунофиқ... Бу изоҳни давом этаверишимиз мумкин, аммо моҳият ўзгармайди. Мунофиқлик-хиёнат бу. Ўзингга, ўзгага, атрофдаги дўстларингга, сенга эзгулик олиб келаётган хайрихоҳ кимсаларга хиёнат. Виждонингга хиёнат, руҳингга хиёнат. Яна бир нарса бор-да, мунофиқ ўзининг қилмиши нотўғри, ёмонлигини билиб қиладими ёки билмай қиладими? Албатта, билиб, етти марта ўлчаб, ўйлаб қилади қилмишини. Бунақа кимсалар жуда эҳтиёткор бўлишади, эҳтиёткор.
**
Акмал Олга Николаевна билан иссиқхонадан терлаб чиққач, ўзларига аталган хонага йўналди... Келаётиб ўрдадай ҳовлига разм солди. Кўз қири билан ундаги сон-саноқсиз хоналарни кузатди.
" Қайсиямдир билим юртининг эски ётоқхонасини хусусийллаштирган бўлса керак... Шўролар давридаги билим юртларининг деярли саксон фойизи бекилиб кетган, бинолар хусусийлаштириб, яшовчиларга сотилган. Сёма бутун бинони қай йўл билан олдийкин? Буёққа камида эллик оила сиғади-ку"
Сўнг ўз фикрига ўзи қарши чиқди. " Пул бўлса, чангалда шўрва. Буёқларда одам ҳам қолмаган. Ҳамма Москва, Петербург каби улкан шаҳарларга кўчиб кетяпти. Бир йўлини топгани аниқ. Мен билган Сёма ўзгариб кетибди. Қорадори излаб юрарди. Ҳалиям у ишларни давом эттираётгани аниқ. Мениям дори келтирган деб ўйлади, акс ҳолда кутиб олмаган, меҳмон қилмаган бўларди. Ҳали кечқурун бу ҳақида сўраши аниқ. Унга муносиб ёлғон жавоб ҳозирлашим керак"
Ростданам яшашга мўлжалланган уй бинода анчагина эди. Сёма ва хотини бинодаги учта хонада истиқомат қилишса, қолганларида ишчи, хизматчилар яшашаркан.Буни дўстининг хотинидан сўраб билиб олди.
"Табиийки, Сёма кўпроқ четдан келган мусофирларни ишга олган бўлиши керак. Акс ҳолда бунча хона унга зарур бўлмаган бўларди..." Бу Акмалнинг навбатдаги таассуроти.
Иссиқхонанинг иккинчи қисми ҳақида ҳозирча маълумотга эга бўла олмади. "Сёмадан суриштириб кўраман, аммо у менга сир билдирармиди. Теплицасига ишга кираман... Билиб оламан.
Ээ, менга нима? Билганини қилмайдими, менга ёрдами тегса бўлди-да..." ички бир овоз уни хотиржамликка ундади.
Толибжон компютер ичига кириб кетган, ҳамма сайтларни кузатиб, янгиликлардан хабардор бўлаётган, хуллас, ёшларга хос қизиқиш билан интернет тармоқларида кезаётган, ўзича маза қилаётганди.
Шундай одамлар бор, бир кун интернетга кирмаса, касалланиб қоладиганлар Толибжон шунақа бири.Анча пайтлардан сўнгра туғилган бунақа имкониятдан фойдаланяпти, байрам қилаяпти, холос...
Ҳатто, Акмалнинг хонага кирганини ҳам сезмади.
-Тинчликми? Биз ҳақимизда ёмон гап йўқми?
- Тинчлик, ҳеч қандай хабар йўқ.
-Худога шукр.Отни эртароқ қамчиладик-да. Аҳмоқ бойвучча ҳалиям ўзининг хонавайрон бўлганидан бехабардир...
-Билмасам... Қамоқхонадан қочганимизга бир ой бўлди... Шу пайтгача билган бўлишлари керак.
-Тўғри, яна... Бизда камчиликлар элга достон қилинмайди.Бош ёрилса, телпак остида қабилида иш кўришади. Атроф вайрон бўлса-да, "Гул яли" дейишдан бошқасини билишмайди қуйи табақадагилар раҳбарларга..
Акмалнинг гапларига Толибжон кулди.
-Рост айтасиз.Катталар, кўпроқ ёшуллиларни олдинга суришади.. Улар эса ўта сабрли, кўникувчан бўлишади. Оғир кунларни кўп кўрганлари сабабли, ҳозирги ҳаётимиз уларга жаннатдай туюлаверади.Шу сабаб, гул ялидан ортишмайди...
(Гул яли ибораси- ҳаммаси жойида, ҳаммаси зўр маъносида келишини бошқа давлат фуқаролари англамасликлари мумкин, аммо туркманга алоқадор ҳар бир киши бу жумла ортида нелар ётганини билиши тайин... Камчиликларни кўра-била туриб, кўрмасликка олиш, хаспўшлаш, кўздан панада сақлаш ҳам- мунофиқлик аслида...)
-Ҳозир вақтимиз, имконимиз бор пайтида Америкага боғлан.Қизим билан бир гаплашай...
-Хўп бўлади, оға.
Толибжон яна компютерни кавлай бошлади.Сайтлардан Нилуфарнинг профилини излаб топди.
-Оға, қизингиз сайтда экан, яшил чироғи ёниқ. Аммо менинг дўстлигим йўқ у билан... Нима қилай?
-Дўстлик бўлмаса, ёзиб бўлмайдими?
Расмларининг остига қайд ёзиш мумкин.
Акмал интернет соҳасида ҳеч нарса тушунмаса-да, яқинлашди.
-Мана, қизи қайсиямдир ҳайкал ёнида расмга тушибди ва сайтга жойлабди.
-Мана шу, мана шу расм остига ёз.
-Нима деб ёзай?
- Нилуфар, мен отангман деб ёз.Дўстликни қабул қил деб ёз, гапим бор, гаплашишим керак деб ёз...Ўқигач, дўстликни қабул қилгач, ўчириб ташлайверасан.
-Тўппадан-тўғри, телефон орқали гаплашсангиз бўлмайдими?
-Бўлмайди, Биринчидан, анча пул сарфлаб нима қиламиз.Иккинчидан кузатаётган бўлишса, шубҳа остида қоламиз. Ёз каментига.
Толибжон шиқирлатиб ёза бошлади.
-Энди ўқишини кутамиз. Ҳозир бу ерда эрталаб ўн бир. Америкада эса тун, ухлашга ётишиям мумкин... Ана, Мен нима дегандим сизга? Айтганимдай энди ўчди чироғи.
Бир қараса қизининг яшил чироғи ўчик. Юборган смси ўқилмаган...
-Ўчирайми смсни?
-Ўқигунча турсин.
-Бу ёзганимни ҳамма ўқийди оға. Кузатаётганлар ҳам ўқиши мумкин.Ёзган маълумотимиз қизингизга етиб борган бўлса, ўчирсак ҳам смс унинг ахборотида қолаверади.
-Ёзганимизни ўқий оладими? Унда ўчир.
Энди иккаласи компютерга эгилишди.Толибжон смсни ўчирди.
-Сенга яна битта топшириқ.Европа давлатларини бирма-бир текшир.Қайси биридан Америкага кўпроқ кема жўнашини аниқла.Юк кемалари бўлса, яна яхши... Чеккароқда жойлашган, сиёсатда машҳур бўлмаган қолоқ, эътибор берилмайдиган бир давлат бўлсин. Бир ҳафтада эплай оласанми?
-Эплайман.
-Яна бир гап.Биз хужжат тайёр бўлгунча, сен ҳам, мен ҳам бўш юрмаслигимиз керак.Сёманинг иссиқхонасида ишлаймиз. Ҳар битта гиёҳнинг парваришига эътибор берамиз, ўрганамиз.Англадингми?
-Англадим.Лекин бу нима учун керак?
-Ақлли одам кўп савол беравермайди, ечимни ўйлаб, ўзи топиб олади.Бу бизнинг оғайнимизга ёрдамимиз бўлсин. Ҳам ўрганамиз. Ўлгунча ўрганиш зарур деган Ленин, биласанми?
-Лелиннинг Ўқиш, ўқиш ва яна ўқиш деган шиорини ёдлагандик болаликда.
-Аввало, Лелинмас, Ленин. Шўролар ҳукумати асосчиси, даҳо одам бўлган. Дунёдаги энг зўр одам бўлган. Бойлар билан камбағалларни тенг ҳуқуқли қилолган, катта давлат туза олган. Афсуски, издошлари ҳароми чиқди. Юртни пароканда қилишди...
Толибжон Акмалнинг шўролар давлатинп мақтаётгани ёки қоралаётганини англолмай ҳалак.
"Ҳали Сёма билан хужжат масаласи ҳақида гаплашолмадим.Албатта, бир-икки кунда тайёр бўлмайди бу нарса.Бир-икки ойга чўзилишиям мумкин.Унгача оғайнимнинг иш услубини ўрганишим мумкин... Кучли мафия отаси бекорга бирдан бу ишга аралашмас, ҳойнаҳой... Яна инглиз тилини ўрганишимиз керак. Уёқларга боргач, оғзинг қани деб сўраса, бурунни кўрсатиб турсак уят бўлар..."
Семён меҳмонлар дам олаётган хонага мўралаганда, Акмал ҳам, Толибжон ҳам компютерга тикилиб, қандайдир расмларни томоша қилишаётган эди.
-Ҳорманглар, зерикмадингларми?
-Дўстим яхши келдингми? Зерикишга вақт бўлмади. Иссиқхонангни бориб кўрдим.Зўр қурилибди.Баракалла.Ҳавасим келди.
-Табиатга қизиқиш хобби мен учун,- мақтанганнамо жавоб берди Семён.- яна бу ерда етиштирилган ҳосилни бозорда сотяпмиз, анча фойдали соҳа экан, теплицачилик... Кейинги уч йилда шу иш билан шуғулланяпман.
-Янада даромадлироқ қилиш мумкин бу соҳани... Масалан, манъ қилинган ўсимликлар савдоси рублмас, доллар туради...
Семён кулди, лекин индамади. "Ҳа, тумшуғингдан илиндинг-ку, тулки.Бангидевона ҳам экяпсан, балки кўкнор ҳам бордир... Боғбонинг афғон ё тожик бўлгач"...
Ташида эса жилмайиб, гапини давом этди,
-Менга хужжат соҳасида ёрдаминг керак. Ёрдам бер.Қанча олсанг, ол.Аммо ёрдам бер...
-Бу ишларга аралашмай қўйганимга кўп бўлди.Қамалиб кетишни истамайман. Оилам, бола-чақам, рўзғорим бор.Мен кетсам, уларнинг ҳоли нима кечади.Мен ўзимнимас, уларни кўпроқ ўйлайман...
Акмал Семённи Толибжондан хавфсираяпти деб ўйлади. Шу сабаб, ташқари чорлади.
-Бир чекиб келамизми?
Иккиси ташқари чиқишди.Қор ҳалиям ёғаяпти. Ҳаво совуқмас. Иккиси йўлка бўйлаб юра бошлашди.
-Сёма, энг яқин қадрдонимсан.Сени қора тортиб келдим. Ёрдаминг жуда зарур. Бошқа номдаги паспортга эҳтиёжим бор...
- Нега? Билишимча, ўз номингдаям ўндан ортиқ паспортинг бор...
-Бир ғавғога аралашиб қолдим. Қамалдим, ўн беш йилга. Ўн беш йиллаб қамоқда ўтирадиган аҳмоқ борми, қочдик....
-Сен аввал бошингдан ўтганларни гапириб бер.
-Изламасликлари учун ўзимизни заҳарладик, дўхтирга пора бериб, ўлди деган хужжат тайёрлатдик.Сўнгра, ўзбек, қозоқ, энди буёқларга келдик. Бизга ҳақиқий хужжат зарур...Таможнига, давлатга кўрсатиладиган ҳақиқий хужжат
-Аввал ишлашган одамларимнинг ҳаммаси қамалиб кетган.Янги келганлар бегона, улар билан ишлаб кўрмадим. Айтганимдай, жиноий ишлардан воз кечганман, қамалишни истамайман...
-Ҳеч бўлмаса, хужжат тайёрлайдиган одамлар билан гаплашиб бер, таништириб қўй..Пулини нақд тўлаймиз.
-Шу ерда қолсаларинг нима? Бирга ишлайверардик... Ҳеч қандай хужжатсиз, сизларни ҳимоя қила оламан.Сенинг кучли бирилигинг менга аён-ку.
-Америкага, қизимнинг ёнига бормоқчиман. Одамлардай яшамоқчиман. Яна, ФСБ изласа, бу ердан бизни осонгина топишади.Қанча узоқ кетсам, мен учун шунча яхши...
-Хужжат бўйича, ўлган бўлсаларинг нега излашсин?
Шу пайтгача Ойнагул ҳақида индамаётганди.Айтишга мажбур бўлди.
-Бирининг пулларини ўмардик, банкротга туширдик.Анов бола хакер.Бунақа ишларга устаси фаранг.Интернет соҳасида қанақа ишинг бўлса, шес сикунд.Ҳал қилади, мияси зўр бола...
-Мм-дааа. Бир танишим бор.Илтимос қилиб кўрамиз. Аммо қиммат бўлар-овв. Мен аралашмайман, ўзингни обораман, ўзинг гаплаш, пулиниям...
-Майли.Розиман. Яна бир нарса.Бекор юрмасдан, теплицангда ишласак.Ҳечқурса еган-ичганимизнинг хизматини қилсак...
-Мммайли.
Семён бугун кечқурун Акмалнинг ишини ҳал этишга рози бўлди.
Ичкаридан Олга Николаевна чиқиб, уларни тушликка таклиф этди,
-Қаерларда юрибсизлар.Тушлик совиб қолади.
-Боряпмиз, бироз ҳаво олишга чиққандик.
Эркаклар ичкари киришганда, дастурхон тузоғлиқ, оқсоч аёл хизматда эди.
Акмал ўз хонасига кириб, кийимларини алмаштирди,
-Иш битди, укам.Юр тушликка чақиришяпти.
Толибжонни олиб ошхонага ўтди.
Давоми бор.
17.11.2022.
Ютубдаги каналимизда сизларни кутамиз.