Ак чәчкәле майның кичләрендә

Шомыр чәчкәләре ак карлардай
Май кичендә очып уйныйлар.
Сөю тулы мөлдерәмә күзләр
Берсен берсе күреп туймыйлар.
Кушымта: Ак чәчкәле майның кичләрендә
Бакчаларда сайрый сандугач.
Күңелемдә матур җырлар туа
Яннарымда бәгърем син булгач.
Гөлләмәгә төреп бирәм сиңа,
Йөрәгемнән ташкан хисләрне.
Онытмассың безне кавыштырган,
Ак чәчкәле сихри кичләрне.
Сайра әле, сайра сандугачым,
Кабатланмас майның кичләре.
Уралсыннар синең җырларыңа
Шомырт чәчкәсенең исләре.
Флюр Абдракипов