Журнал "Чилисема"

44 минуты назад · Госорганизация
Ашо вельтявкс ало уды виресь,
Чивалгомась манейстэ якстерди;
Ванта, ванта: ловонь някась «иредсь», –
Эли алкукс сонгак тундонть терди?!
​
Вай, тундо, ёжонь витий, мазыйне!
Кода эйсэть, дугай, учотано!
Кадык зярс якшамот, даволт зыйнить,
Киштнезь-морсезь теленть ильтятано.
​
Тейтерьпингень морот, истят питнейть,
Оев сюкорот, тантей пачалксеть…
Латопрятне тюрьсэ кольгить-петнить, –
Тундось теленть кочкарянзо чалгси.
​
Чись яла рашты, чоподась туи.
Апаронть мартонзо тулкадьсынек.
Эрзянь койсэ нецей – инегуенть
Мастянь толбандясо пултасынек.
​ Маризь Кемаль