Непрызнанне безвыбараў і сітуацыя з палітвязнямі: што Святлана Ціханоўская абмеркавала з новай амбасадаркай ЗША ў Літве

Святлана Ціханоўская прыняла ў сваім Офісе новую амбасадарку ЗША ў Літве Кару Макдональд.
Падчас размовы беларуская лідарка надала асаблівую ўвагу крытычнай сітуацыі з палітвязнямі і магчымым крокам па іх вызваленні. Таксама бакі абмеркавалі крокі па развіцці https://t.me/tsikhanouskaya/4061 і магчымае супрацоўніцтва па лініях ААН і гуманітарных арганізацыяў.
Ціханоўская заклікала спрыяць прыцягненню рэжыму да міжнароднай адказнасці, а таксама звярнула ўвагу на неабходнасць пошуку новых шляхоў ціску на Лукашэнку і яго памагатых. Акрамя таго, яна адзначыла: беларусы чакаюць міжнароднага непрызнання безвыбараў, якія нелегітымныя ўлады плануюць правесці напрыканцы лютага.
Напрыканцы сустрэчы Ціханоўская падзякавала Макдональд за падтрымку дэмакратычнай Беларусі і цвёрдую палітыку ў дачыненні да рэжыму: «Мы ўдзячныя Злучаным Штатам і місіі ЗША ў Вільні за падтрымку. З амбасадаркай мы знаёмыя даволі даўно. Мы сустракаліся, калі Кара Макдональд працавала ў Дзярждэпартаменце. Яна добра ведае сітуацыю ў Беларусі і перажывае за палітвязняў. Я ўпэўненая: у асобе Кары Макдональд мы будзем мець моцнага саюзніка і партнёра».