Средаын тазарьясько, палэзьпу тыроно, мунчо пыроно, (соку уин 12 час берти кульэмьес пото).

Благодарю. Описывайте все праздники, пожалуйста. А то мы всё скоро забудем

Да я вот сестре писала,что мы с бабушкой через костёр прыгали бабушка говорила четверг нунал,чертдес мед кокос,тазалык иммэр мед лотос.уже не помню все

Ох,милям табань бажьдын гурын пыжиськом вал ну и ческыт вал

Казер удмортдесьасселысь кылзе потыны гарляно

Бадьчын нунален чебер дисьес дисяса куноке ветлиском вал.Мон пичи вал Моне но часто вал

Быдӟынал дыръя куриськонъёс
(«Камсьӧр удмуртъёслэн куриськонъёссы» книгаысь басьтэмын)
«Ӧстэ, Бадӟын Иммаре-Кылчинэ, ӟесь кар, виль вапуме потӥськом, шумпотыса тазалыкен Быдӟыналэз ортчытыны сёт. Котыр ласянь ӟесь кар, Бадӟын Иммаре-Кылчинэ».
«Осто, Иньмаре-Кылчинэ! Вӧй нянь кутыса потӥсько вӧсяськыны. Осто, Иньмаре. Югыт, Тӧдьы Иньмаре! Шуныт зоръёстэ сёт, тылыдлэсь-пуэдлэсь уть, Кылчинэ-Иньмаре. Тыл-пулэсь сакла. Сётэм сиён-юонлэсь берекетъёссэ сётыса возь вал, Сютэм арез эн ни сёт вал, Югыт Кылчин-Иньмаре! Азбар тырос пудо вордыса, мушо-муо карыса возь вал. Э-э, Югыт Кылчинэ-Иньмаре, Та пудоос азбарысь потыса, гуртэ бертыса, гид тросаз мед йылысал. Та пудо-животэз вордэм бере, нылпилы шудбур тэлясько. Та вордэм нылпи шудбуро луыса, эксейлы ӟеч нылпи мед луозы, элез мед ӟеч утьыны быгатозы. Нюк-гоплэсь, лек зорлэсь сакла, Иньмаре-Кылчинэ. Азьло паласен оло верасько, берло паласен оло верасько, ачид тод, Югыт, Тӧдьы Иньмаре. Пудо вордыса вир сётомы, возьма милемыз, эн алда вал. Аминь».
«Осто, Бадӟым Мусо Иммэре Кылчинэ, тани. Тыр нянь кутыса пересьёслэсь кылемзэс ӟылъяса, тодамы вайыса Быдӟыналмес куриськиськом. Шумпотыса возьмам, шумпотыса куриськиськом, Мусо Иммэре Кылчинэ. Кабыл карыса басьты шуныт кияд-пыдад ӟыбырттэм ӟыръёсмес. Аминь».
«Ӧстэ, Инмаре-Кылчинэ, арись лыктэм быдӟыналэз куриськиськом, Инмэр-Кылчин, таза кар. Омин (3 пол). Ӧстэ, Инмаре-Кылчинэ, кышкыт зоръёсыдлэсь, тылпуосыдлэсь сакла, ю-няньёсыз далтыты. Омин (3 пол). Ӧстэ, Инмаре-Кылчинэ, гид тырос пелё гонъёстэ сёт, уаньмес но таза кар. Инмаре-Кылчинэ, уаньзэ вераны уг тодӥськы, кылемзэ ачид тодод индэ. Омин (3 пол)».
«Остэ, Инмаре, Быдӟын Инмаре! Тани Быдӟын нуналэз ортчытӥськом. Секыт зорлэсь, сильтӧллэсь утьы. Кысконоосэ йӧло-вӧе кары, чышконооссэ пелё кадь гоно кар. Одӥг киын пазьгем ю-нянез тазалыкен кык киын октыны мед гожтоз. Кабанэд вӧзы кабан пукты, валэд вӧзы чуньыдэ сёты, скалэд вӧзы – куняндэ. Пиналъёс ӟеч но таза мед будозы. Ожмаськон медаз лу, татулык мед луоз. Ӟеч улон мед луоз. Омин».
«Остэ, Бадӟын Инмаре-Кылчинэ! Тулыс виясь вуос кадь, шулдыр мед уломы. Тулыс вуэм куаръёс кадь, гӧрласа мед уломы. Сӥзьыл виясь вуос кадь, таза мед уломы. Пудо-животъёсыз таза кар. Кизем-пальккем ӟуосыз далтыты. Шуныт-небыт зоръёстэ сёт. Омин».
«Осто, Инмаре, Бадӟым Инмаре! Тани Бадӟым ныналэз ортчытӥськом! Секыт зорлэсь, сильтӧллэсь утьы. Кысконооссэ йӧло-вӧё кары, чышконооссэ ӵана-коӵо кадь гоно кары. Одӥг киын пазьгем ю-нянез, тазалыкен кык киын октыны мед гожтоз. Кабанэд вӧзы кабанэд мед пуксёз, валэд вӧзы чуньыдэ сёты, скалэд вӧзы куняндэ [сёты]. Пиналъёс ӟеч но таза мед будозы, сюлмаськон медаз луы, татулык мед луоз. Вань ӟеч улонъёс мед луоз. Верам кылъёсы кабыл мед луозы. Олло, азьлозэ берло верай, олло, берлозэ азьло верай, Инмаре Кылчинэ. Ачид тодыса кабыл кары. Милям куриськеммы кабыл мед луоз! Омин».