Сегодня - 6 сентября по старому стилю / 19 сентября по новому стилю Церковь празднует Воспоминание чуда Архистратига Михаила, бывшего в Хо́нех (Коло́ссах) (IV)

Тропарь Архангела Михаила, глас 4:
Небе́сных во́инств Архистрати́же,/ мо́лим тя при́сно мы, недосто́йнии,/ да твои́ми моли́твами огради́ши нас/ кро́вом кри́л невеще́ственныя твоея́ сла́вы,/ сохраня́я нас припа́дающих приле́жно и вопию́щих:/ от бед изба́ви нас,// я́ко чинонача́льник вы́шних Сил.
Кондак Архангела Михаила, глас 2:
Архистрати́же Бо́жий,/ служи́телю Боже́ственныя сла́вы,/ А́нгелов нача́льниче и челове́ков наста́вниче,/ поле́зное нам проси́ и ве́лию ми́лость,// я́ко безпло́тных Архистрати́г.
Молитва святому Архангелу Михаилу
О, святы́й Михаи́ле Арха́нгеле, светлообра́зный и гро́зный Небе́снаго Царя́ воево́до! Пре́жде Стра́шнаго Суда́ осла́би ми пока́ятися от грехо́в мои́х, от се́ти ловя́щих изба́ви ду́шу мою́ и приведи́ ю́ к сотво́ршему ю́ Бо́гу, седя́щему на Херуви́мех, и моли́ся о ней приле́жно, да твои́м хода́тайством по́слет ю́ в ме́сто поко́йное. О гро́зный Воево́до Небе́сных Сил, предста́телю всех у Престо́ла Влады́ки Христа́, храни́телю тве́рдый всем челове́ком и му́дрый ору́жниче, кре́пкий Воево́до Небе́снаго Царя́! Поми́луй мя, гре́шнаго, тре́бующаго твоего́ заступле́ния, сохрани́ мя от всех ви́димых и неви́димых враг, па́че же подкрепи́ от у́жаса сме́ртнаго и от смуще́ния диа́вольскаго и сподо́би мя непосты́дно предста́ти Созда́телю на́шему в час стра́шнаго и пра́веднаго Суда́ Его́. О всесвяты́й вели́кий Михаи́ле Архистрати́же! Не пре́зри мене́, гре́шнаго, моля́щагося тебе́ о по́мощи и заступле́нии твое́м, в ве́це сем и в бу́дущем, но сподо́би мя та́мо ку́пно с тобо́ю сла́витии Отца́ и Сы́на и Свята́го Ду́ха во ве́ки веко́в. Ами́нь.

  • Мужской вокальный ансамбль "Валаам" - Тропарь архистратигу Михаилу
  • Схиигумен Илий (Ноздрин) и хор Государственной Третьяковской галереи - Акафист Архистратигу Михаилу
  • иерей Алексей Хотеев, хор п/у А.Скалабана - Молитва св. Архистратигу Михаилу

Комментарии

Комментариев нет.