ҒУРУРИНГНИ СОТМА

СИНГИЛЖОН
Балки йўқдир бошингда эринг,
Балки йўқдир яшашга еринг,
Балки сиғмас танангга теринг,
Иффатингни сақла, сингилжон.
Балки йўқдир егани ошинг,
Балки ўйлаб қотгандир бошинг,
Балки йиғлаб тўккансан ёшинг,
Ҳаё билан бўлгин, сингилжон.
«Онаммассан, кечдим!», демасин,
Сени кўриб афсус емасин,
Ошикларинг излаб келмасин,
Ор-номусинг сақла, сингилжон.
Ёмон кунлар ўтди-ю, бироқ,
Ёмонлардан юргин сен йироқ,
Яхшиларга ёндош бўл, тезроқ,
Виждонингни сотма, сингилжон.
Яратгандан инсоф тилайлик,
Оллоҳимни танҳо билайлик.
Пайғамбарнинг сўзин қилайлик,
Ибо билан бўлгин, сингилжон.
Балки йўқдир ёру йўлдошинг,
Сабр қилгин, тилаб бардошинг.
Сенга ҳамроҳ қавму қардошинг,
Ғурурингни сотма, сингилжон...!