💚 Каштоўная прыродная тэрыторыя (#5 з 17), якая мае шанец павысіць свой прыродаахоўны статус да 2035 года.

Гэта будучы заказнік рэспубліканскага ўзроўню “Дубовае балота”, плошчай каля 5.000 га. Ён будзе створаны на базе заказніка рэспубліканскага значэння “Дзянісавіцкі” (Мінская вобласць, Крупскі раён) і заказніка мясцовага значэння “Шчыток” (Магілёўская вобласць, Круглянскі раён).
🌿💧 Гэты лесабалотны масіў у міжрэччы Бярэзіны і Друці мае міжнародны статус аб’екта Смарагдавай сеткі Савета Еўропы.
🌲 Тут шмат хваёвых і драбналістых забалочаных лясоў, якія мяжуюць з верхавымі і пераходнымі балотамі. Плошча ахоўных біятопаў перавышае 60 % тэрыторыі! А мы з в вамі памятаем, што водна-балотныя ўгоддзі – нашы экалагічныя героі ў барацьбе з кліматычнымі зменамі.
Тут знайшлі мноства "чырванакніжнікаў": рысь, барсук, пугач (филин), чорны бусел, шэры журавель, беласпінны дзяцел, журавіны дробнаплодныя, баранец звычайны і іншыя. 🐾
Колькасць водна-балотных угоддзяў у Беларусі і ў свеце скарачаецца. Забяспечыць лепшую ахову гэтай тэрыторыі стала магчымым дзякуючы кампаніі “Дзікая прырода” і НПЦ НАН Беларусі па біярэсурсах.
Аб іншых тэрыторыях, у якіх з’явіўся добры шанс павысіць свой прыродаахоўны статус, раскажам у наступных допісах.
🤲 Калі ты хочаш дапамагчы захаваць дзікую прыроду, далучайся з сябрамі да “Дзікага клуба” https://clck.ru/3AKbqN Увесь прыбытак мы накіроўваем на прыродаахоўныя мэты.
Аб іншай нашай прыродаахоўнай працы чытай па хэштэгу #ДзікіяЭкспедыцыі.
📷 Ілюстрацыйныя фота: рысь еўрапейская, аўтар ambquinn, Pixabay; чорныя буслы, аўтар Алег Аляксевіч.
На фота эксперта Вадзіма Пракапчука: пераходнае і верхавое балоты, нара барсука, вялізны выварацень яліны ў заказніку "Шчыток".
На малюнку: схема будучага заказніка.