ХАЛУЯМ

Непаважаныя чальцы і кіраўнікі выбарчых камісій ( https://zubr.in/commissions ). Сёння звяртаемся да вас, але ўжо не з заклікамі ці прапановамі.
Хутка міне тры дзесяцігоддзі, як вы ламаеце праз калена лёсы простых беларусаў, а ў 2020 годзе вы зламалі лёс усёй краіны. Цяпер можна доўга казаць, хто з вас больш адказны, хто менш, але ВАШЫЯ дзеянні давялі да генацыду, і ВЫ вінаватыя ў пакутах і забойствах тысячаў беларусаў, а цяпер ВЫ вінаватыя ў шматлікіх смерцях і пакутах братоў-украінцаў, на гарады і дамы якіх з беларускіх палёў ды аэрадромаў ляціць смерць.
Ланцужок просты. Вы дапамагалі дыктатару-забойцы маляваць лічбы і незаконна ўтрымліваць ўладу, а ён дапамагае бункернаму карліку весці вайну з нашай тэрыторыі. Заплюшчваць вочы на падман, закрываць вушы на крыкі і стогны людзей, маўчаць, калі бачыш гвалт і бязладдзе, а цяпер братазабойчую вайну — гэта не проста злачынства з пакараннем на 5 год па крымінальным кодексе. Гэта супраць закону чалавечага.
ВЫ — забойцы, і адказваць вы будзеце і перед народам краіны, і перад Богам. Прасіць ад вас пакаяцца ці напісаць яўку з павіннай ніхто ўжо не будзе. Гэтыя часы мінулі. Цяпер надыйшоў час, калі вы адказныя без агаворак.
Не меншая адказнасць ляжыць і на так званых "дэпутатах", і на выканкамаўскіх вертыкальшчыках і "ідэёлагах", "абшчэственніках" ды "дружынніках", і на "людзях" у вайсковай форме, і на "суддзях"-пярэвараценях у чорных мантыях ( https://zubr.cc/ ), што падмахваюць сістэме. На ўсіх, хто моўчкі ці актыўна дапамагае рэжыму збіваць і кідаць беларусаў у турмы за імкненне да волі і праўды. На ўсіх, тых, хто здрадзіў народу, аддаючы краіну хунце і прадаўшы сваў сумленне за заробак, ільготную кватэру, пенсію і іншыя пернікі. Вам наканавана жыць да апошніх сваіх дзён, заслужана адчуваючы людскую пагарду да вас, халуёў.
Сапраўдным сумленным годным беларусам: абяры для сябе свой фронт ( https://t.me/zubr_in/826 ). Не чакай. Дзейнічай. Час настаў.