14 авг 2010

ლექსები სამეგრელოზე

Комментарии

  • 25 авг 2010 09:54

    "სამარგალო - გურიშ კილა,

    ღორონთიში კართეშ ორო,

    ღურჭულანა, მარგალეფი,

    ჯიმალეფიწკუმა - წორო.

    ჩქიმი სქვამი სამარგალო

    ოხვამურ ჯაში ელნარდირე,

    გაფურინანს მაფშალია-

    ოშ ხონარშა ელმაბირე.

    ვოი ნანა გოლვაფირო,

    სქანი მანგი მითინ ვარე;

    მა ვორექ, ჭიჭე ჭყიში,

    მასქურ წკუმა მიდგუ კარე.

    სქან სანთელო, სქან გოლუა

    სამარგალო, ჩქიმი დიდა,

    მა ვამოკო, მა ვამოკო,

    უსქანეთ წუმოძინა.

    სამარგალო - გურიშ კილა

    ღორონთიში კართეშ ორო,

    ღურჭულანა მარგალეფი

    ჯიმალეფიწკუმა - წორო."


  • 30 авг 2010 08:22

    სამარგალო

    სქან სისქვამე დო ჰავა, ოსქვანსუ სამარგალოს  

    თაქიანი გურ ტიბ ხალხი რენი საოცნებო.

    ია ვარდიშ ქიანარექ ჩქიმი ჭიჭე სამარგალო.

    ჩქიმი ჭიჭე სამარგალო სქანი ვორეთ ჩქი  სქუალეფ

    სქან ოოროფულ მუთუნ  ვაპუნს ჩქიმი ჭიჭე სამარგალო.

    სქანი ნინა მარგალური  წმინდა რენი სქან ხალხიშო.

    სირექ   ჩქიმი ჭიჭე საოროფო სამარგლო. 

  • 18 фев 2011 10:55

    ჩქიმი ნინა

    სამარგალო,
    მარგალური…
    ღორონთიში გუნარჩქინა.
    მა ვამოკო თქვან დინაფა,
    უთქვანეთი მუ ბქიმინა.
    ოთხ წანა რე ქართის ვორექ,
    თაქ მაფ ნაქირებუ ბინა.
    მარა, ჩქიმ კუნთხუშ სისკვამე …
    თოლს აწმორე ირო თინა.
    აიეტ დო მედეასი,
    თე ნინაშა უჩიებუ…
    “ანიკეტიშ ნერო ეაბრყ
    მარგალ ბოში უჩინებუ.”
    თოლებს ბწკურუნქ, შორსი ვორწყექ,
    ჩქიმ კოლხ მაფას გუბაზისი,
    ირო ჩქიმ გურს იჸუაფუ –
    ჩქიმ ზუგდიდ დო ჩქიმ ფაზისი.

  • 18 фев 2011 10:57

    ჰამო ნინაშ გურშენ

    მალას სუას ქიჩანუანს
    ჩქინი ნინა მარგალური,
    ვემიოტალენს ფურინუას-
    მელუღიე მალაღური!
    ნტერეფ ნინას მოლიმუნა,
    მირაგადნა – ღური, ღური!
    კინოხონეფ მირკიანა –
    არქა ბოშეფ, არქა, გური! -
    ნინაშ გურშენ ბხანდულენდ დო
    ღობერძგასი ქალაბღური.
    მუსხანს ვორდათ შხვაშ გაძიცალ –
    ვამბაღნანო თეზმა ლური,
    გიბკურცხინუათ, ქინიბკაშათ -
    წკონდა ნინაშ ჰამო შური.