<<Faylasuf>>lar so'zlaydi No8

Har bir ishni u qanday vositalar bilan amalga oshirilganiga qarab emas, balki maqsadga erishilgan-erishilmaganiga ko'ra baholaydilar.

Faqat to'g'ri qaror qabul qilishga umid bog'lash yaramaydi. Har qanday qarorning shubhali ekaniga tan berish kerak. Chunki odatda bir ko'ngilsizlikka chap berib, ikkinchisiga ro'para bo'lamiz.

Yaxshilik ham xuddi yomonlik kabi nafrat uyg'otishi mumkin.

Faqat o'zinga va jasoratinga asoslangan himoyadan yaxshirog'i, ishonchlirog'i, pishiqrog'i yo'q.

Tabiiy bilim nima? U haqiqat va yolg'onni ajratuvchi, o'ylamasdan, o'rganmasdan bilguvchi qalbdir.

Komil inson har bir odamning komil bo'lishi uchun qayg'uradi.

Bu olamning jamiki donoliklari va fikr-mulohazalari odamlarning o'limdan qo'rqmaslikka o'rgatishga borib taqaladi.

Mo'jiza bizning tabiat borasidagi bilimlarimiz yetarli emasligi tufayli kelib chiqadi. U tabiatga xos sifat emas.

Men o'zimga qarshi chiqishim mumkin, lekin hech qachon haqiqatga qarshi borolmayman.

Har qanday bilim tuyg'ularimiz orqali egallanadi. Biz tuyg'ular izmidamiz. Ilm tuyg'udan boshlanadi va u bilan tugaydi.

Inson aslida kim bo'lsa o'shadir: u o'z tajribasi doirasidagina fikr yurida oladi; harchand urinmasin, faqat o'z qalbinigina bila oladi.

Agar menga ikkinchi bor yashash imkoniyati berilsa, avval qanday yashagan bo'lsam, yana shunday yashagan bo'lardim. Men o'tgan umrimga achinmayman va kelajakdan qo'rqmayman.

Ixtiyorni o'zda saqlab qolmoqlik - dunyodagi eng ulug' ne'mat.

Odamlar o'zlari yaxshi bilmaydigan narsalarga boshqa narsalardan ko'ra ko'proq ishonadilar.