Табиат ўз гўзаллиги ва таровати билан инсонларни мафтун этиб келган.

Унинг бетакрор ва ажиб фусункорлиги кўзларни қувнатиб, дилларга ҳузур бахш этади. Сурхондарё вилояти жаннатмонанд Ўзбекистоннинг иссиқ иқлимли вилоятларидан бири ҳисобланади. Воҳанинг шимолий шарқида улкан ва азим Боботоғ жойлашган. Табиати ажойиб, ўсимликлар дунёси ранг-баранг, ҳайвонот олами турфа бу манзил зилол суви, минглаб булоқ ва чашмалари билан ном қозонган. Нафақат мамлакатимиз, балки Марказий Осиёда ўзига хос ошуфталик кашф этган Сангардак шаршараси ҳам айнан шу маконда…