რა ვიცით გორათის შესახებ?

ra vicit chemo tako da ertxel turme tamar mefe tavisi jarit modioda tashiskridan didi brzola gadaxdili xoda mtel jars mag adgilas dauwmendia talaxi iseti didi gora damdgara daarqves turme gorati

cxven tanamedrovec vicit er mshvenier dges weri camowvacvens tazarshi episkoposma brzana shemoexsnat saxuravi da....... perengamde mivida tazari stiqarosnebi mamao mesantle mushaobdnen wvimas rom ar moeswro da celofani exura tazars...... mere mama kaxaberma cveni winapris danatovari tixis fiala da zveleburi xmali ipova.... ioane gvtismetyvelis shewevnit da uflis wyalobit  mrevlma kidev ertxel 21 saukuneshi gadaxura tazari da dgas cveni me-6 saukunis bermuxa.......

dideba ufals!

goratis tazari agdgenilia ramdenjerme, zusti cnobebi ar aris.... mosazebnia arqivebshi tu shemorca masala....., cveni eparqiis meufem tqva rom aseti sakurtxeveli me-6 saukunis shemdeg agar shendeba radgan msoflio krebaze  gadawyda rom sakurtxevlebi ashenebuliyo mrgvali, cven tazars mogexsenebat  sakurtxeveli otxkutxedi aqvs....ase rom cveni tazari uzvelesia... sanam  tazars   gadaxuravdnen, ukve tanamedrove ambavs vyvebi risi  momswre da tvitmxilveli var.., qvebi winaswar danomra mamom rom isev im adgilze moxvedriliyo sadac manamde iyo da pirvel saxe rogoric cven dagvxvda shenarchunda

me piradad zalian var dainteresebuli cveni tazris istoriit shemomiertdit da gavarkviot sxva ra masalebi arsebobs arqivebshi marto xashurs ar vgulisxmob saqartvelos rqivshic

tu vinmem rame icit dadet aq

ქეტევან ძალიან დიდი მადლობა რომ აქტიურობ!  ეს მცირე ინფორმაციაც  არ ვიცოდი.. მეც ვეცდები რომმ მოვიძიო ინპორმაციაა... შეგვეწიოსს იუანე ღვტისმეტყველი!

გორათი მდებარეობს ხაშურის დასავლეთით.მისი სახელწოდება მომდინარეობს იმ ბუნებრივი გორებიდან რომლებიც აქ მდებარეობდა.სამი ბორცვიდან დღეს ერთია,ორი კი აქ გამავალი საავტომობილო მაგისტრალის მშენებლობის დროს მოიშალა.

მომდევნო საუკუნეების საბუთში გვხვდებიან გორათელები.ასე მაგ.1688 წლის ერთ საბუთში შინდარელებთან და სურამელებთან ერთად მოწმეებად მოიხსენებიან გორაელნი იგივე გორათელები .აქ არსებული გორა ,რომელსაც დღეს მოსახლეობა ძველი სოფლის სახელწოდებით –გორათით მოიხსენიებს ძველი ნამოსახლარია.იგი მდებარეობს ბორჯომისა და ბათუმის სარკინიგზო ხაზის განშტოებებს შორის.გორათის მიდამოებში არაერთი საინტერესო და საყურადღებო არქეოლოგიური მასალა აღმოჩენილა''გორათის ეკლესიის მახლობლად/სადგურ ხაშურთან რკინიგზის შტოზედ''–ნათქვამია გაზეთში,მუშა ლეკებს აღმოუჩენიათ ძველი დროის აკლდამები.გზისთვის საჭირო მიწა თურმე ამ აკლდამებიდან ამოაქვთ და ბევრ სპილენძის ნივთებსაც ჰპოულობენ.ჰპოულობენ დანებს,ხანჯლებს ისრის ნამტვრევ ბოლოებს ,ცულებს და აზიურ სადგისების მინაგვარს რაღაცეებსაც,რომლებსაც მშვენიერი ხელოვნება ჯერ კიდევ კარგად ეტყობა.ეს ნივთები სულ სპილენძისაა.არქეოლოგიური თვალსაზრისით ასევე გაფუჭებულია გორათის გორანამოსახლარი,სადაც ამ საუკუნის 20––იანი წლებიდან სასაფლაო არის მოწყობილი.ვახუშტი ბატონიშვილს რუკაზე დატანილი აქვს გორათი,როგორც დაბა.აგრეთვე,იოანე ბატონიშვილი ''ქართლ–კახეღის აღწერაში'' მე–18 საუკუნის ბოლოს აფიქსირებს გორათს,როგორც მოსახელე სოფელს.როგორც სხვადასხვა დოკუმენტებიდან ირკვევა,გორათში მამულები ეკუთვნოდათ ჩხეიძეებს,მურვანიშვილებს,ხიდირბეგიშვილებს.

გორათში მდებარეობს იოანე ღვთისმეტყველის სახელობის ეკლესია,რომელიც თარიღდება მე–15 მე–16 საუკუნეებით.ეკლესია მოქმედია და წირვა–ლოცვას აღავლენს დეკანოზი მამა კახაბერი.გორათელები დღესაც აღნიშნავენ გორათობას 21 მაისს.

გორათის ეკლესიის შესახებ არსებობს ლეგენდა, რომელიც მის აშენებას თამარ მეფეს მიაწერს. ერთ-ერთი ვერსიით, თამარს დიდი ომი ჰქონია სურამში თათრებთან. ქართველებს გაუმარჯვიათ. ომში გამარჯვებისთვის თამარს მადლობა გადაუხდია და საჩუქრები დაურიგებია მეომრებისთვის. წარმატების აღსანიშნავად მეფეს აქ ეკლესია აუშენებია.

   ეკლესია დარბაზულია, ნაგებია ქვიშა ქვითა და რიყის ქვით. სამხრეთით და დასავლეთით თითო შიგნიდან შეისრულთაღიანი, გარედან არქიტრავული შესასვლელია. სწორკუთხა საკურთხეველი არ არის გამოყოფილი დარბაზისგან. აღმოსავლეთ კედლის ღერძზე და მის მარცხნივ შიგნიდან შეისრულთაღიანი, გარედან ოთხკუთხა ორი სარკმელია. თითო ასეთივე სარკმელია დანარჩენ სამ კედელში. აღმოსავლეთ კედლის ქვედა ნაწილში შეისრულთაღიანი ნიშია. ეკლესიის დარბაზის გრძივ კედლებზე პილასტრებია, რომელსაც ეყრდნობა კამარის საბჯენი თაღები. პილასტრებს თლილი ქვის კაპიტელები აქვს. დასავლეთის ფასადზე, შესასვლელის ღერძზე, ერთ ვერტიკალზე მონაცვლეობენ ერთნაირი ფორმის და ზომის ორი ჯვარი და ორი წრე. ზედა ჯვარი და წრეები რელიეფურია, ხოლო ქვედა ჯვარი ამოკვეთილია არქიტრავის ქვაზე და  კედლის სიბრტყეს არ სცილდება. ფასადის ფრონტონი წვერთან წაკვეთილია. აქ, სახურავზე, სამრეკლოს ფუძის ქვებია შემორჩენილი. ეკლესიას ორი ლილვის და მათ შორის შეზნექილი მრუდისგან შედგენილი ქვის დავგარდანი აქვს. ეკლესია ორსაფეხურიან საძირკველზე დგას.

   უკანასკნელ პერიოდში მას ჩაუტარდა სარესტავრაციო სამუშაოები 2007 წ. გადახადეს სახურავი, რადგან ზედ ამოვიდა ხე, რომელმაც ეკლესია დააზიანა. ტაძარი ხელახლა დაიხურა. შემოავლეს ქვის გალავანი. ეკლესია შემაღლებულ ადგილზე, გორაკზე დგას, აქედან გამომდინარეობს მისი სახელწოდება გორათი. მისი ადგილმდებარეობა ძალიან მიმზიდველია. აქედან ხაშურის ულამაზესი სანახები იშლება.

რკინიგზის გაყვანისას აქ აღმოჩენილა არაერთი  მნიშვნელოვანი არქეოლოგიური ნივთი, ძირითადად სპილენძის ნაკეთობანი. ბოლო  პერიოდში აქ საფლავების გაჭრის დროს აღმოჩნდა ბრნჯაოს საბრძოლო და სამეურნეო იარაღი. ეს ნივთებია: ბრინჯაოს მთლიანადსხმული ყუნწიანი სატევარი, კოლხური ცული, ბრინჯაოს ქვაბი, აბზინდა, შუბისპირის ფრაგმენტი, ბრინჯაოს ღერო, თიხის ჭურჭლის ფრაგმენტი. არქეოლოგიური კვლევის ცენტრის ხაშურის ექსპედიციის ხელმძღვანელმა ბიძინა მურვანიძე ძვ. წ. 1ათასწ.  1 ნახევრით დაათარიღა. ძალზე საინტერესოა გორათზე აღმოჩენილი კოლხური ცული. იგი გრავირებულია. სატარის ორივე მხარეს გამოსახულია პირით ყუისკენ მიმართული აქტიურ პოზაში მდგარ ძაღლის ფიგურა. ცული შემკულია სპირალური ხვიებით, წიწვისებური და ირიბი ნაჭდევი ორნამენტით; ცულს მკლევარები ძვ. წ.VIII საუკუნით ათარიღებენ.