ՀԱՅԿԱԿԱՆ ՇԱՐՈՑ/քաղցր սուջուխ/

ՈՂՋՈ՜ՒՅՆ ԻՄ ՇԱՏ ՍԻՐԵԼԻ ԽՄԲԱԿԻՑՆԵՐ ՋԱՆ..
Տոներն են մոտենում ..... և յուրաքանչյուրս անցնում ենք այն ամենի պատրաստմանը... ինչը կարելի է ասել տոներին մեր սեղաններից անպակաս է լինում...
Այսօր ձեզ համար ՀԱՅԿԱԿԱՆ ՇԱՐՈՑ եմ բերել... որը մի երեք տարի է չէի պատրաստել...
Շատ համեղ...և անչափ սիրելի...
Ասեմ , որ նկարի միջինը դեռ նոր է պատրաստված.... ու դեռ չի չորացել ..... բայց երբ չորանա կավելացնեմ նաև Շարոցի նկարը արդեն պատրաստի վիճակում...
Իմ պատրաստած շարոցների նկարները բազմիցս տեղադրված կա խմբի ալբոմներում ... հղումները մեր խմբի ալբոմներից կտեղադրեմ քոմենթներում..
Կարող եք սեղմել և նայել...
Սակայն այս անգամ պատրաստեցի մի փոքր այլ կերպ որը կգրեմ ու մանրամասն կբացատրեմ թե ինչպես է պետք այն պատրաստել....
Այս անգամ իմ մոտ ստացվեց տարբեր երկարության /մեծ ու փոքր/ 9 հատ շարոցներ..
Այն պատրաստելու համար մեզ անհրաժեշտ է...
Արդեն շարված ընկույզի շարաններ... /իմ մոտ 9 շար է/
4 լիտր ջուր
400 գրամ ալյուր
կես թեյի բաժակ թթի դոշաբ
1,5 կգ շաքարավազ
1,5 թեյի գդալ աղացած կամ 2- հատ դարչինի փայտիկներ
1 թեյի գդալ աղացած կամ 15 հատ մեխակ
Դարչինի փոխարեն կարող եք օգտագործել
նաև КАРДАМОН- հայերեն տարբերակն է -ՀԻԼ
Եվ այսպես...
Ջուրը եռացնում ենք.... մեջը լցնում շաքարավազը և համեմունքները...
Որից հետո թողնում ենք այն հովանա...
Առանձին թասի մեջ լցնում ենք մաղած ալյուրը... վրան ավելացնում հովացած շաքարաջուրը .... լավ խառնում...Այնուհետև մանր մաղով մաղում ենք ու դնում կրակին եփվելու... Եփում ենք մարմանդ կրակի տակ... անընդհատ խառնելով մինչև մասսայի պնդանալը:...Անջատում ենք ու թողնում որ շփոթը մի փոքր հովանա... Որից հետո Շարոցները մտցնում ենք շփոթի մեջ այնպես որ շարոցը ամբողջապես ընկղմվի շփոթի մեջ... հետո կամաց-կամաց բարձրացնում ենք և կախում որևէ հարմար տեղում պարանի վրա... տակի մասում դնում ենք սկուտեղ որ ավելորդ շփոթը թափվի վրան...
Այսպես թողնում ենք մինչև շարոցների լիովին չորանալը...
Դե Բարի ախորժակ և ուրախ տոներ...